मोहोळ | प्रतिनिधी अमर पठारे
9117151515
वारकरी संप्रदायाच्या माध्यमातून संतविचार, अध्यात्म, संस्कार आणि समाजप्रबोधनाचा संदेश जनसामान्यांपर्यंत पोहोचविण्यासाठी निरपेक्ष भावनेने कार्य करणारे ह.भ.प. ब्रह्मदेव महाराज कापसे यांची निरपेक्ष कीर्तन सेवा संस्था महाराष्ट्र प्रदेश, नाशिक यांच्या वतीने मोहोळ तालुकाध्यक्षपदी नियुक्ती करण्यात आली आहे. दिनांक ५ सप्टेंबर २०२६ रोजी त्यांच्या नियुक्तीचे पत्र प्रदान करण्यात आले.निरपेक्ष कीर्तन सेवा संस्थेचे संस्थापक व राष्ट्रीय अध्यक्ष श्री. ह.भ.प. नाना महाराज कापडणीस यांच्या मार्गदर्शनाखाली तसेच राष्ट्रीय सचिव ह.भ.प. साहेबराव महाराज गवळी आणि महाराष्ट्र प्रदेशाध्यक्ष ह.भ.प. माऊली महाराज गुरव यांच्या उपस्थितीत ही नियुक्ती करण्यात आली.वारकरी संस्कृतीच्या जतनासाठी महत्त्वपूर्ण जबाबदारीह.भ.प. ब्रह्मदेव महाराज कापसे हे मोहोळ तालुक्यातील गोमेवाडी येथील रहिवासी असून त्यांनी आळंदी येथील स्वानंद सुख निवासी जोग महाराज शिक्षण संस्थेत आध्यात्मिक व वारकरी परंपरेचे शिक्षण घेतले आहे. सलग सहा वर्षे प्रथम क्रमांकाने शिक्षण घेत त्यांनी अध्यात्म, संत साहित्य, कीर्तन परंपरा आणि वारकरी संप्रदायातील विविध अंगांचा सखोल अभ्यास केला आहे.संत ज्ञानेश्वर महाराज, संत तुकाराम महाराज, संत नामदेव महाराज, संत एकनाथ महाराज यांसह संतपरंपरेतील विचार आपल्या कीर्तनातून मांडत भक्तीबरोबरच सदाचार, संस्कार, बंधुभाव आणि सामाजिक एकतेचा संदेश देण्याचे कार्य ते करीत आहेत.कीर्तनातून भक्ती आणि समाजप्रबोधनवारकरी संप्रदायातील कीर्तन ही केवळ धार्मिक सेवा नसून समाजाला योग्य दिशा देणारे प्रभावी माध्यम आहे. अभंग, संतवाणी, कथा, दृष्टांत आणि प्रभावी निरूपणाच्या माध्यमातून श्रोत्यांच्या मनावर संस्कार करण्याचे कार्य कीर्तनकार करतात.ह.भ.प. ब्रह्मदेव महाराज कापसे यांच्या कीर्तनातून भक्ती, अध्यात्म, संतविचार, व्यसनमुक्ती, सामाजिक एकोपा, कुटुंबसंस्कार, युवकांचे प्रबोधन, महिलांचा सन्मान, मानवता आणि सामाजिक सद्भावना यांसारखे विषय प्रभावीपणे मांडले जातात.मानधनापेक्षा सेवेला प्राधान्यविशेष म्हणजे, कीर्तनसेवा कोणतेही मानधन न घेता निरपेक्ष भावनेने समाजासाठी करण्याचा संकल्प ह.भ.प. ब्रह्मदेव महाराज कापसे यांनी व्यक्त केला आहे. समाजातील बिघडत चाललेली कीर्तनसेवेची परंपरा पुन्हा शुद्ध, सात्त्विक आणि सेवाभावी करण्यासाठी निरपेक्ष कीर्तन सेवा संस्था आणि ह.भ.प. ब्रह्मदेव महाराज कापसे यांच्या माध्यमातून कार्य केले जाणार आहे.“धर्माचे पाळण । करणे पाखंड खंडण !!” या संस्थेच्या विचारधारेनुसार संतविचार समाजाच्या तळागाळापर्यंत पोहोचविणे, कीर्तनसेवेचे पावित्र्य जपणे आणि समाजात सदाचार व संस्कार रुजविणे, हा या कार्याचा प्रमुख उद्देश आहे.मोहोळ तालुक्यात वारकरी संप्रदायाचे संघटन मजबूत करणारमोहोळ तालुक्यातील वारकरी दिंड्या, भजनी मंडळे, कीर्तनकार, प्रवचनकार आणि भक्त मंडळी यांना सेवाभावी विचारधारेखाली जोडण्याचा प्रयत्न केला जाणार आहे. गावागावांत हरिनाम सप्ताह, कीर्तन, प्रवचन, भजन आणि समाजप्रबोधनाचे कार्यक्रम अधिक व्यापक करण्यासाठी प्रयत्न केले जाणार आहेत.युवकांना वारकरी संस्कृतीशी जोडणे, संत साहित्याची गोडी निर्माण करणे आणि नव्या पिढीपर्यंत महाराष्ट्राची समृद्ध संतपरंपरा पोहोचविणे, हेही त्यांच्या कार्याचे महत्त्वाचे उद्दिष्ट राहणार आहे.यावेळी ह.भ.प. ब्रह्मदेव महाराज कापसे यांनी सांगितले की, “मला मिळालेली ही जबाबदारी केवळ पद म्हणून नव्हे, तर संतसेवा आणि समाजसेवेची संधी म्हणून स्वीकारत आहे. संस्थापक व राष्ट्रीय अध्यक्ष श्री. ह.भ.प. नाना महाराज कापडणीस यांच्या मार्गदर्शनाखाली मोहोळ तालुक्यात वारकरी संप्रदायाचे संघटन मजबूत करून संतांचा विचार घराघरात पोहोचविण्यासाठी प्रामाणिकपणे कार्य करणार आहे.”त्यांच्या नियुक्तीबद्दल वारकरी संप्रदायातील कीर्तनकार, प्रवचनकार, भजनी मंडळे तसेच सामाजिक व धार्मिक क्षेत्रातील मान्यवरांनी अभिनंदन करून पुढील कार्यासाठी शुभेच्छा दिल्या आहेत.संस्थापक व राष्ट्रीय अध्यक्ष श्री. ह.भ.प. नाना महाराज कापडणीस यांच्या मार्गदर्शनाखाली मोहोळ तालुक्यात निरपेक्ष कीर्तनसेवा, संतविचार आणि समाजप्रबोधनाची चळवळ अधिक व्यापक करण्याचा संकल्प या नियुक्तीच्या माध्यमातून करण्यात आला आहे.
