मुंबई : “गणपती बाप्पा मोरया… मंगलमूर्ती मोरया!” या जयघोषाने गणेशोत्सवाच्या भक्तिमय वातावरणात युवा क्रांती पोलीस मित्र संघटनेच्या वतीने एक आगळावेगळा आणि स्तुत्य उपक्रम सुरू करण्यात आला आहे. गणेशोत्सवाच्या दहा दिवसांत गणपती बाप्पाची आरती प्रत्येक घराघरात भक्तिभावाने व्हावी, या उद्देशाने आरती संग्रह पुस्तकाची निर्मिती करण्यात आली असून, मुंबई टीमच्या माध्यमातून या आरती संग्रहाचे घराघरात मोफत वाटप करण्यास सुरुवात झाली आहे.
या उपक्रमाला संघटनेचे संस्थापक व राष्ट्रीय अध्यक्ष श्री. रविंद्र सूर्यवंशी यांचे मार्गदर्शन लाभत असून, राष्ट्रीय उपाध्यक्ष श्री. डॉ. राजेश्वर हेंद्रे, राष्ट्रीय युवती महिला अध्यक्षा श्रीमती जयश्रीताई अहिरे आणि राष्ट्रीय युवा अध्यक्ष श्री. शिवाजीराव शेलार यांच्या मार्गदर्शनाखाली हा उपक्रम राबविण्यात येत आहे.
राष्ट्रीय महासचिवांच्या हस्ते आरती संग्रहाचे प्रकाशन
नवी मुंबई जिल्हाध्यक्ष श्री. कुणाल त्रिवेदी यांच्या माध्यमातून तयार करण्यात आलेल्या आरती संग्रहाचे प्रकाशन संघटनेचे राष्ट्रीय महासचिव सन्माननीय श्री. राकेश वाघ सर यांच्या हस्ते करण्यात आले. यावेळी आरती संग्रहाची पहिली प्रत विधिवत गणपती बाप्पाच्या चरणी अर्पण करण्यात आली.
या प्रसंगी मुंबई अध्यक्ष श्री. धनेश रामरखियानी तसेच मुंबई युवा अध्यक्ष श्री. कुणाल शहा यांची प्रमुख उपस्थिती होती.
धनेश रामरखियानी यांच्या कार्यालयात संपूर्ण नियोजन
या संपूर्ण कार्यक्रमाचे नियोजन मुंबई अध्यक्ष श्री. धनेश रामरखियानी यांच्या कार्यालयात करण्यात आले. आरती संग्रहाची निर्मिती, प्रकाशन तसेच गणेशोत्सव मंडळे आणि संघटनेच्या सभासदांपर्यंत आरती संग्रह पोहोचविण्याबाबतचे नियोजन याच ठिकाणी करण्यात आले.
या उपक्रमाच्या यशस्वी आयोजनासाठी श्री. कुणाल त्रिवेदी, श्री. कुणाल शहा आणि श्री. धनेश रामरखियानी यांनी विशेष मेहनत घेतली.
‘आरती घराघरात, युवा क्रांतीचा संदेश जनमानसात’
गणेशोत्सव हा भक्ती, संस्कृती आणि एकतेचा उत्सव आहे. याच भावनेतून युवा क्रांती पोलीस मित्र संघटनेने हा आरती संग्रह तयार केला आहे. गणेशोत्सव मंडळे तसेच संघटनेच्या सभासदांना हा आरती संग्रह मोफत उपलब्ध करून देण्यात येणार आहे.
विशेष म्हणजे मुंबई टीमने आरती संग्रहाचे केवळ प्रकाशन करून न थांबता घराघरात त्याचे वाटप करण्यास सुरुवात केली आहे. त्यामुळे गणेशभक्तांना आरती संग्रहाचा लाभ मिळणार असून, युवा क्रांती पोलीस मित्र संघटनेचा सामाजिक व सांस्कृतिक कार्याचा संदेशही मोठ्या प्रमाणात जनतेपर्यंत पोहोचणार आहे.
संघटनेचे संस्थापक व राष्ट्रीय अध्यक्ष श्री. रविंद्र सूर्यवंशी, राष्ट्रीय उपाध्यक्ष श्री. डॉ. राजेश्वर हेंद्रे, राष्ट्रीय युवती महिला अध्यक्षा श्रीमती जयश्रीताई अहिरे, राष्ट्रीय युवा अध्यक्ष श्री. शिवाजीराव शेलार आणि राष्ट्रीय महासचिव श्री. राकेश वाघ सर यांच्या मार्गदर्शनाखाली हा उपक्रम राबविण्यात येत आहे.
ज्या गणेशोत्सव मंडळांना अथवा संघटनेच्या सभासदांना आरती संग्रहाची पुस्तके आवश्यक आहेत, त्यांनी मुंबई अध्यक्ष श्री. धनेश रामरखियानी यांच्याशी संपर्क साधावा, असे आवाहन संघटनेच्या वतीने करण्यात आले आहे.
