पारगाव ते मलठण रस्त्यावर निकृष्ट कामाचा आरोप; चौकशीसह सुरक्षिततेच्या उपाययोजना करण्याची मागणी
प्रतिनिधी : हभप सुरेश आप्पा महाराज गायकवाड
दि. ६ ऑक्टोबर २०२६
शिरूर : हायब्रीड अॅन्युईटी मॉडेलअंतर्गत अष्टविनायक महामार्गाच्या पारगाव ते मलठण या मार्गावरील रस्त्याच्या देखभाल व दुरुस्तीचे काम सध्या सुरू आहे. मात्र, या कामाच्या दर्जाबाबत स्थानिक ग्रामस्थांनी प्रश्न उपस्थित केले असून, रस्त्यावर योग्य पद्धतीने डांबरीकरण करण्याऐवजी केवळ काळे साहित्य टाकून काम पूर्ण झाल्याचे दाखविले जात असल्याचा आरोप ग्रामस्थांनी केला आहे.या रस्त्याच्या देखभाल व दुरुस्तीची जबाबदारी बेल्हेकर इन्फ्रा प्रायव्हेट लिमिटेड या कंपनीकडे असल्याचे सांगण्यात येत आहे. प्रत्यक्षात रस्त्याची अवस्था सुधारण्यासाठी करण्यात येणाऱ्या कामाच्या गुणवत्तेबाबत ग्रामस्थांनी शंका व्यक्त केली आहे. शासनाच्या निधीचा योग्य प्रकारे वापर होत आहे का, काम कोणत्या तांत्रिक निकषांनुसार केले जात आहे आणि कामाची गुणवत्ता कोणत्या पद्धतीने तपासली जात आहे, याची सखोल चौकशी करण्याची मागणी ग्रामस्थांनी केली आहे.वाहनचालकांच्या सुरक्षिततेचा प्रश्नरस्त्याचे काम सुरू असताना वाहनचालकांच्या सुरक्षिततेसाठी आवश्यक असलेले ‘काम सुरू आहे’चे फलक, एकेरी वाहतुकीचे दिशादर्शक फलक तसेच पुरेशी सुरक्षा व्यवस्था आवश्यक त्या प्रमाणात दिसून येत नसल्याचे ग्रामस्थांचे म्हणणे आहे. त्यामुळे रात्रीच्या वेळी तसेच वर्दळीच्या काळात अपघाताचा धोका निर्माण होण्याची शक्यता व्यक्त करण्यात येत आहे.आवश्यक ठिकाणी स्पीडब्रेकरची मागणीया मार्गावर वस्ती, शाळा, बाजारपेठ, चौक तसेच नागरिकांची मोठ्या प्रमाणात वर्दळ असलेल्या ठिकाणी वाहतुकीचा वेग नियंत्रित करण्यासाठी आवश्यक त्या ठिकाणी स्पीडब्रेकर बसविण्यात यावेत, अशी मागणीही ग्रामस्थांनी केली आहे. त्यासाठी वाहतूक सुरक्षेचा विचार करून योग्य नियोजन करण्याची मागणी करण्यात आली आहे.कामाची प्रत्यक्ष पाहणी करून गुणवत्ता तपासावीरस्त्याच्या दुरुस्तीचे काम निकृष्ट दर्जाचे असल्यास संबंधित विभागाने तातडीने प्रत्यक्ष पाहणी करून कामाची गुणवत्ता तपासावी. कामामध्ये त्रुटी आढळल्यास संबंधित ठेकेदाराला आवश्यक सूचना देऊन शासनाच्या नियम व तांत्रिक निकषांनुसार दर्जेदार काम करून घ्यावे, अशी मागणी ग्रामस्थांनी केली आहे.केवळ रस्त्यावर काळे साहित्य टाकून काम पूर्ण झाल्याचे दाखविण्याऐवजी टिकाऊ व दर्जेदार डांबरीकरण करण्यात यावे. तसेच कामाच्या ठिकाणी आवश्यक सुरक्षा फलक, एकेरी वाहतुकीचे नियोजन, दिशादर्शक फलक आणि आवश्यक त्या ठिकाणी स्पीडब्रेकरची व्यवस्था करण्यात यावी, अशी मागणी स्थानिक ग्रामस्थांकडून करण्यात आली आहे.संबंधित विभागाने तातडीने चौकशी करण्याची मागणीपारगाव ते मलठण या मार्गावरील सुरू असलेल्या कामाची संबंधित विभागाने तातडीने पाहणी करून वस्तुस्थिती स्पष्ट करावी. कामाची गुणवत्ता, वापरण्यात येणारे साहित्य आणि तांत्रिक निकष यांची तपासणी करून काम पारदर्शक पद्धतीने व गुणवत्तेच्या निकषांनुसार पूर्ण करून घ्यावे, अशी मागणी ग्रामस्थांकडून जोर धरत आहे.
पोलीस मित्र संपर्क कार्यालय मलठण व सत्य वार्ता भारत उप संपादक हभप सुरेश आप्पा महाराज गायकवाड मलठण आपली जाहिरत देण्यासाठी संपर्क
9850639169