समाजसेवा, गरजूंना मदत आणि अन्यायाविरोधात लढणाऱ्या कार्यकर्त्याला पदाधिकारी व कार्यकर्त्यांच्या शुभेच्छा पुणे !
| दि. १८ सप्टेंबर २०२६ | प्रतिनिधी अमर पठारे
इंटरनॅशनल ह्युमन राइट्स अँड क्राईम कंट्रोल ऑर्गनायझेशनचे राष्ट्रीय उपाध्यक्ष भारत भाऊ पंजाबी यांचा आज, १८ सप्टेंबर रोजी वाढदिवस आहे. या निमित्ताने संपूर्ण महाराष्ट्रासह विविध ठिकाणांहून पदाधिकारी, कार्यकर्ते, मित्रपरिवार आणि शुभेच्छुकांकडून त्यांच्यावर वाढदिवसाच्या शुभेच्छांचा वर्षाव होत आहे.याच पार्श्वभूमीवर इंटरनॅशनल ह्युमन राइट्स अँड क्राईम कंट्रोल ऑर्गनायझेशनचे संस्थापक व राष्ट्रीय अध्यक्ष श्री. मोहितजी नवानी यांनीही भारत भाऊ पंजाबी यांना वाढदिवसानिमित्त मनःपूर्वक शुभेच्छा दिल्या आहेत. त्यांच्या पुढील सामाजिक व संघटनात्मक वाटचालीसाठी उत्तम आरोग्य, दीर्घायुष्य आणि यश लाभावे, अशा सदिच्छा यावेळी व्यक्त करण्यात आल्या.पुणे येथील रहिवासी असलेले भारत पंजाबी हे उद्योजक असून सामाजिक कार्यातही सक्रियपणे योगदान देत असल्याचे त्यांच्या सहकाऱ्यांकडून सांगण्यात येते. गरजू व्यक्तींना मदत करणे, अन्यायग्रस्तांना आवश्यक ती मदत मिळवून देण्यासाठी प्रयत्न करणे, तसेच विविध सामाजिक उपक्रमांमध्ये सहभागी होणे, यासाठी ते परिचित असल्याचे पदाधिकाऱ्यांचे म्हणणे आहे.दिवस-रात्र न पाहता गरजू व्यक्तीला मदत करण्यासाठी पुढाकार घेत असल्याचे त्यांच्या सहकाऱ्यांकडून सांगण्यात आले. पुण्यासह इतर जिल्ह्यांमध्येही त्यांनी विविध सामाजिक उपक्रमांच्या माध्यमातून सहभाग नोंदवला आहे.भारत पंजाबी यांनी यापूर्वी रक्तदान शिबिरे, अन्नदान आणि गरजू नागरिकांना मदत यांसारख्या उपक्रमांमध्ये सहभाग घेतला आहे. यासोबतच मुक्या प्राण्यांबद्दलही त्यांना विशेष जिव्हाळा असून, अडचणीत सापडलेल्या प्राण्यांना मदत करण्यासाठी त्यांनी अनेकदा पुढाकार घेतल्याचे त्यांच्या परिचितांकडून सांगण्यात येते.सामाजिक कार्यासोबतच ते राष्ट्रवादी काँग्रेसमध्येही पदाधिकारी म्हणून कार्यरत असून, पक्षाच्या विविध उपक्रमांमध्ये त्यांनी सहभाग घेतल्याचे सांगण्यात आले.अपघातानंतर सध्या रुग्णालयात उपचारकाही महिन्यांपूर्वी सोलापूर येथील एका प्रकरणाच्या कामानंतर कुटुंबासह पुण्याकडे परतत असताना भारत पंजाबी यांच्या वाहनाचा अपघात झाला होता. या अपघातात त्यांना गंभीर दुखापत झाली होती. त्यानंतर त्यांच्यावर शस्त्रक्रिया करण्यात आली होती तसेच उपचारादरम्यान हातामध्ये रॉड बसवण्यात आले होते.सध्या पुण्यातील रुग्णालयात त्यांच्या हातातील रॉड काढण्यासाठी शस्त्रक्रिया करण्यात आली असून, डॉक्टरांच्या सल्ल्यानुसार ते सध्या बेडरेस्टवर आहेत. त्यामुळे यंदा वाढदिवसानिमित्त प्रत्यक्ष भेटीगाठी घेणे शक्य नसल्याचे त्यांनी आपल्या कार्यकर्त्यांना आणि जवळच्या नागरिकांना कळवले आहे.“पंधरा दिवसांनंतर मी पुन्हा आपल्या सर्वांसमोर येईन आणि नव्या जोमाने आपल्या कामाला सुरुवात करेन,” अशी माहिती भारत पंजाबी यांनी दिल्याचे सांगण्यात आले.भारत भाऊ पंजाबी यांच्या वाढदिवसानिमित्त ‘सत्यवार्ता भारत लाइव्ह 24×7’ परिवाराच्या वतीने त्यांना मनःपूर्वक शुभेच्छा देण्यात येत असून, त्यांना उत्तम आरोग्य, दीर्घायुष्य आणि सामाजिक कार्यासाठी पुढील वाटचालीस शुभेच्छा व्यक्त करण्यात येत आहेत.— प्रतिनिधी अमर पठारे