महाराष्ट्र प्रतिनिधी : युवा क्रांती फाउंडेशन अंतर्गत पोलिस मित्र, ग्राहक व पत्रकार संरक्षण आणि माहिती अधिकार संघटनेचे संस्थापक व राष्ट्रीय अध्यक्ष श्री. रविंद्र सूर्यवंशी साहेब यांच्या मार्गदर्शनाखाली गणेश चतुर्थीनिमित्त नागरिकांना मनःपूर्वक शुभेच्छा देण्यात आल्या.
युवा क्रांती फाउंडेशनचे राष्ट्रीय सल्लागार माननीय श्री. दिनेशजी मेहता तसेच कोपरगाव तालुका युवा उपाध्यक्ष माननीय श्री. सलीमजी शेख यांनी नागरिकांना गणेशोत्सव हा आनंद, भक्ती आणि सामाजिक एकोप्याचा उत्सव म्हणून साजरा करण्याचे आवाहन केले.
राष्ट्रीय सल्लागार श्री. दिनेशजी मेहता यांनी नागरिकांना गणेशोत्सवाच्या काळात सामाजिक सलोखा व बंधुभाव कायम ठेवावा, अफवा व सोशल मीडियावरील अप्रमाणित माहितीवर विश्वास ठेवू नये, तसेच सार्वजनिक ठिकाणी ज्येष्ठ नागरिक, महिला व लहान मुलांची विशेष काळजी घ्यावी, असे आवाहन केले. गणेशोत्सवाच्या माध्यमातून समाजात एकता, सहकार्य आणि सकारात्मकतेचा संदेश पोहोचविण्याचे आवाहनही त्यांनी केले.
तर कोपरगाव तालुका युवा उपाध्यक्ष श्री. सलीमजी शेख यांनी मंडळांनी व नागरिकांनी प्रशासनाच्या नियमांचे पालन करावे, मिरवणुकीदरम्यान वाहतुकीस अडथळा निर्माण होणार नाही याची काळजी घ्यावी, ध्वनिप्रदूषण टाळावे आणि गणेश विसर्जनावेळी पर्यावरणपूरक पद्धतींचा अवलंब करावा, असे सांगितले. तसेच कोणतीही अनुचित घटना घडल्यास स्वतः कायदा हातात न घेता संबंधित प्रशासनाशी संपर्क साधण्याचे आवाहन त्यांनी केले.
“गणपती बाप्पाच्या उत्सवात भक्तीबरोबरच जबाबदारीही तितकीच महत्त्वाची आहे. सुरक्षित, शांततामय आणि पर्यावरणपूरक गणेशोत्सवासाठी प्रत्येक नागरिकाने आपली सामाजिक जबाबदारी पार पाडावी,” असा संदेश यावेळी देण्यात आला.
गणपती बाप्पा मोरया! मंगलमूर्ती मोरया!
अशा शुभेच्छांसह युवा क्रांती फाउंडेशनच्या वतीने सर्व नागरिकांना गणेश चतुर्थीच्या हार्दिक शुभेच्छा देण्यात आल्या.
